PSC dapat gastusin ng tama ang natipid na pondo - Escudero

MANILA, Philippines - Inihayag kahapon ni Senator Francis ‘Chiz’Escudero na dapat sa­­mantalahin ng pamaha­laan at ng mga major stake­holders sa sports ang pahayag ng Philippine Sports Commission (PSC) na malaki ang ka­nilang naipon na maaa­ring gamitin para sa pag­ha­­handa sa 2016 Olympic Games sa Rio de Janeiro, Bra­zil.

Ngunit pinaalalaha­nan din ni Escudero ang PSC na unahin ang mga pro­yektong ilalatag para sa paghahanda ng mga na­tional athletes sa 2016 Summer Games.

Inihayag kamakailan ng PSC na nakatipid sila ng halos P500 milyon.

Inalok naman ni PSC chairman Ricardo Garcia ang karamihan sa natu­rang pondo sa mga National Sports Associations (NSAs) na makakapagbi­gay ng epektibong prog­rama na sisiguro sa pag-uwi ng medalya ng ka­nilang mga atleta sa mga darating na Southeast Asian Games, Asian Ga­mes and the Olympics.

“This is the first time that the PSC is claiming savings of as much as this, half-a-billion pesos that does not need to be returned to the national trea­su­ry as it was saved from the agency’s corporate funds,” wika ni Escudero.

“But the PSC could not spend this much just for the SEA Games alone, as earlier reported in the pa­pers,” wika pa ng Sena­dor.

Hinikayat pa ni Escu­dero si Garcia at ang kan­yang PSC Board na tu­tukan ang Olympics ka­hit na ito ay sa 2016 pa ma­gaganap.

“Any savings is always a good news. Spen­ding these savings wisely and effectively would make better news, how­ever,” ani Escudero, igini­it na ang ‘priority sports’ ang dapat makatanggap ng malaking pondo para sa pangarap na Olympic gold medal ng bansa.