HOUSTON -- Yumao ang anak na babae ni Houston Rockets coach Kevin McHale na si Alexandra ‘Sasha’ sa edad na 23 noong Sabado ngunit walang ibang detalyeng sinabi ang team.
Nag-leave si Kevin McHale simula pa noong Nov. 10 para asikasuhin ang ‘personal family matter,’ ayon sa team.
Habang wala si McHale, si Kelvin Sampson ang interim coach. Wala pang timetable kung kailan babalik si Kevin McHale.
Sinabi ni team owner Leslie Alexander sa isang statement na ipinapaabot nila ang kanilang pakikiramay kay McHale sa pagkawala ng kanyang anak.
Nakiramay din ang ibang players ng Rockets kay McHale.
“Praying for coach McHale and his family,” tweet ni James Harden. Nag-tweet din si Chandler Parsons ng ‘’R.I.P. Sasha.’’
Nag-coach din si McHale sa Minnesota Timberwolves bilang coach at executive bago lumipat ng Rockets matapos mag-TV analysts ng dalawang seasons.
“While Kevin was with our organization, we all watched Sasha grow up and become an outstanding young woman,’’ sabi ni Timberwolves owner Glen Taylor sa isang statement. “She will be sorely missed by her family and friends.’’