Dear Vanezza,
Yung ex BF ko na pilit na nangungulit na makipagbalikan komo pareho kaming hiwalay sa asawa. Feeling niya ay desperada ako na kailangan ko ng kaulayaw sa buhay. Hello, ilan taon na akong single mother na nabuhay naman ako ng walang lalaki. Ang masama ay lapitin ako ng mga addict na walang direksyon ang buhay. Puwede naman akong makipagrelasyon pero bakit naman ako mag-settle sa misarableng buhay ‘di ba? Paano ko ba babastedin yung mokong na yun? Puwede ko bang i-block na lang siya sa FB o messenger para hindi na niya ako pagtripan o magpaliwanag pa ‘di ba? – Carmen
Dear Carmen,
Huwag sayangin ang iyong oras sa walang kuwentang tao, pero hindi sabihin ay ‘di na sila magbabago. Tama lang na huwag bigyan ng puwang ang mga lalaking hahatakin ka lamang pababa. Bagkus ay maghintay ng lalaking deserve ng iyong pagmamahal.
Sumasainyo,
Vanezza