Part 10
Rooster
General Forecast: Ang taong 2020 ay hindi magiging madali para sa mga ipinanganak sa year of the rooster. Magiging problema nila ang mga magsusulputang kakumpetensiya sa kanilang career o negosyo. Iwasan nila ang mga lugar tulad ng night clubs, bar at mga bahay aliwan.
Career Forecast: Ang pag-asenso sa career ay maaaring maapektuhan dahil magugulo ang isipan dulot ng mga kakumpetensiya. Kaya kumuha sila ng lakas at motivation mula sa kanilang mga kaibigan at kapamilya.
Wealth Forecast: May tsansang gumastos ng malaki sa mga parties, inuman at kasiyahan. May posibilidad din na magwaldas sila ng pera sa taong nakakahumalingan. Kaya ipinapayong maghanap ng ibang pagkakalibangan upang maiwasan ang gumastos ng malaki sa mga walang kuwentang bagay.
Love and Relationship Forecast: Sa mga single Rooster, may makikilala silang bagong pag-ibig sa tulong ng kanilang mga kaibigan. Sa mga married Rooster, huwag maging maharot sa pakikihalubilo sa opposite sex upang maiwasan ang pagkakaroon ng problema sa kanilang buhay may-asawa.
Health Forecast: Ang pag-inom ng alak ang isa sa dapat nilang iwasan dahil maaari itong magdala sa kanila sa kapahamakan. Malapit din sila sa gulo at pakikipag-away na magreresulta sa physical injury.