Dear Vanezza,
May nanliligaw sa anak kong babae. Bilang nanay ay hindi pa ako boto dahil nag-aaral pa ang anak ko na gusto ko munang makatapos ng kolehiyo. Ang nakakainis pa ay duwag ang manliligaw niya na idinadaan lamang ang pagpapaalam sa akin sa pamamagitan ng pagpapadala ng private message sa Facebook. Tama ba na i-message ako. Naka-block na ang manliligaw ng anak ko. Kung walang lakas ng loob ang manliligaw na harapin ako bilang magulang ay bagsak na siya sa akin. Tama ako ‘di ba?
Nanay Emil
Dear Nanay Emil,
Kausapin ang iyong anak na huwag mag-entertain ng manliligaw sa social media. Kundi ipaliwanag sa anak na kailangang matutong umakyat ng ligaw ang lalaki. Ipaunawa rin sa anak ang rule na kung bakit hindi pa siya puwedeng magkanobyo. Upang hindi magrebelde ang at maunawaan ang mabuting intensyon para sa anak.
Sumasainyo,
Vanezza