Dear Vanezza,
Ikakasal na ang BFF kong lalaki sa GF niya. Hindi niya alam na ang pagmamalasakit ko sa kanya ay totoo at hindi lang dahil sa aming friendship. Pinigilan ko ang sarili ko, pero sadyang nahulog ako sa kanya. Hindi niya alam ang damdamin ko sa kanya dahil ayaw kong masira ang kanilang relasyon. Gusto pa niya akong gawin bridesmaid nila. Puwede ko bang ipagtapat ang nararamdaman ko bago pa mahuli ang lahat? – Zsazsa
Dear Zsazsa,
Para ano pa? Kung talagang mahal mo ang iyong BFF ikaw mismo ang lalayo at hindi mo sisirain ang kanyang kaligayahan. Kundi maghanap ka ng iba na magpapasaya naman sa iyo. Madaling turuan ang puso kaysa makasira ka pa sa pagsasama ng iba hindi pa man sila ikinakasal.
Sumasainyo,
Vanezza