Dear Vanezza,
Isa akong single mother na maganda po ang trabaho ko bilang teacher. Pero may nag-aalok sa akin sa Italy bilang domestic helper na libre lahat ang proseso ng papeles at ticket sa eroplano. Siyempre malaki ang bayad dahil euro ang suweldo. Lahat ng pamilya ko ay sang-ayon maliban sa anak kong babae. Balak ko sanang kagatin dahil sabi nila ay maganda na itong oportunidad. Pero tama ba na iwanan ko ang lahat kahit payag na din ang anak ko dahil sa laki ng suweldo? – Mariz,
Dear Mariz,
Pag-isipan mong mabuti ang iyong desisyon. Walang masama kung may titingin sa iyong anak na babae at para makatulong sa iyong pamilya. Ang tanong ay kaya mo bang iwan ang iyong career at maging domestic helper? Kung sa tingin mo ay gagawin lang itong stepping stone bakit hindi. Pero tandaan mo na hindi rin magiging madali ang lahat dahil maiiwan mo ang iyong anak at pamilya.
Sumasainyo,
Vanezza