Dear Vanezza,
Ako si Chorlette, 16 years old. Inaamin ko po na nagrebelde ako sa nanay ko. Dalawa po kaming magkapatid at 10 years nang hiwalay ang parents namin. Kaso sobrang higpit ni mama. Lahat na lang bawal. Cell phone, Internet, at pakikipagbarkada. Wala naman siyang time para makinig sa mga ikinukuwento ko, kasi pagdating niya sobra na siyang pagod. Gusto ko lang naman ng kaibigan. Nagbabago na ko. Pero laging tamang hinala ang mama ko. Ano po ba ang gagawin ko?
Dear Chorlette,
Makinig ka sa mama mo para hindi ka magsisi sa bandang huli. Gusto lang niyang malayo ka sa kapahamakan. Ikaw ang nakakaintindi sa nangyayari, kaya kausapin mo ang mama mo, sabihin sa kanya ang mga nararamdaman mo. Tiyak na maiintindihan ka rin niya. Sana maging maayos ang relasyon mo sa iyong ina. At imbes na magrebelde ay tulungan mo siya bilang single mother.
Sumasaiyo,
Vanezza