Dear Vanezza,
Ako po si Neng, 35 years old. Limang taon na po kaming kasal ng asawa ko. Pero hanggang ngayon ay wala pa rin kaming anak. Ako po siguro ang may diperensiya dahil may anak sa unang pamilya ang asawa ko. Tanggap ko naman po na malabo na kaming magkaanak dahil may edad na rin ako. Gusto ko po sanang mag-ampon kami. Pero ayaw ng asawa ko. Katuwiran niya ay hindi namin kadugo ang inaampo ko. Samantalang pamangkin ko naman yun. Talagang ayaw na niya ng anak dahil dagdag responsebilidad lang daw po yun. Maganda naman pareho ang trabaho namin. Ano po gagawin ko?
Dear Neng,
Nasubukan mo na bang magpatingin sa doctor? Malaki ang maitutulong sa problema ninyong mag-asawa kung pareho kayong magpapa-check-up. Saka kayo magdesisyong magplano ng mag-ampon. Maraming babae ang nakakapanganak pa sa edad na lampas kwarenta. Manalangin ka rin na biyayaan ka ng sanggol ng Panginoon. Kausapin mo rin ang asawa mo at ipaliwag sa kanya kung talagang gusto mong mag-ampon. Huwag ka munang mawalan ng pag-asa. Sana ay matupad ang iyong pangarap.
Sumasaiyo,
Vanezza