Likas nang palakaibigan ang mga tao sa bansang Bahrain. Palangiti rin sila at hindi mga suplado lalo na sa mga ibang lahi. Karaniwang may sigla rin sila kung bumabati at hindi mo mararamdamang iba ka sa kanila. Ipinararamdam nila sa mga taong una nilang nakilala na nais pa nila itong makita.
Bawal din ang mahiyain sa bansang ito kung ikaw ay bibisita. Dapat ay palangiti ka rin at nakikipag-eye contact sa taong nakakasalamuha mo. Masasabing bastos kung hindi ka makikipag-eye contact sa kausap.
Ang mga lalaki ay karaniwang nakikipagkamay at nagbebeso-beso sa isa’t isa. Normal ang pakikipagbeso ng mga lalaki rito kaya’t huwag mao-offend sakaling may gumawa sa iyo nito. Wala silang ibig sabihin at gusto ka lang batiin sa masayang paraan.
Ang mga babae naman sa Bahrain ay madalas nagyayakapan ang nagbebeso rin kung mga kaibigan ang kanilang kinikita.
At hindi ka nila agad iiwan sa ere kapag nagkita kayo. Nakikipagkumustahan at nakikipakuwentuhan pa sila ng mga topic under the sun.