Dear Vanezza,
May bf ako. Two years na kami at sa loob ng mga panahong ito ay may nangyari na sa amin. Hindi po ito alam ng aking mga magulang dahil natatakot akong ipagtapat sa kanila. Mahal ko po ang bf ko pero ngayon ay napapansin kong parang unti-unti akong nawawalan ng halaga sa kanya. Nilunok ko ang aking pride at kinausap siya tungkol dito. Nangako naman siyang paninindigan niya ang nangyari sa amin pero sa ngayon ay hindi ko nararamdaman ang pagmamahal niya sa akin. Paninindigan nga kaya niya ako? Tutuparin nga kaya niya ang pangako niyang kasal kahit anong mangyari? Kami nga kaya ang magkakatuluyan? - Pabebe
Dear Pabebe,
Hindi mo sya puwedeng puwersahin na pakasalan ka dahil lang may nangyari na sa inyo. Ang pagpapakasal ay isang seryosong usapin dahil bubuo ka ng pamilya. Kung ganya na tila nawawala na ang interes n’ya sa’yo, ‘wag ka na munang umasa na kayo ang magkakatuluyan dahil masakit kung hindi ito matupad. Bata pa kayo at sa halip na pag-aasawa ang planuhin ay i-enjoy nyo muna ang inyong pagiging single dahil marami pa kayong makikilala sa paglipas ng panahon at magagandang oportunidad na darating sa buhay ninyo.
Sumasaiyo,
Vanezza