Dumadaing ang pamilya ng isang OFW na si Marilyn Lasona Delos Santos mula sa Laguna. Mahigit 25 years siyang OFW na nagtrabahong katulong sa Gitnang Silangan.
Ang huli niyang trabaho ay sa Kuwait na inabot ng dalawang taon at anim na buwan. Kailan lang nung August 17 ay dumating siya sa bansa na stage 4 agad ang sakit nitong cancer sa lungs at liver.
Reklamo ng pamilya ni Ate Marlyn ay wala raw pinadalang pera ang amo nito. Kasi raw ay ipinagamot na ang kawawang OFW sa Kuwait. Nakatatlong palit siya ng amo sa Kuwait. Pero ang kuwento ni Ate Marlyn ay sobrang ang tatapang daw ng mga chemicals na panlinis ng C.R o comfor room dun sa Kuwait. Doon daw nagsimulang sumakit ang tiyan niya.
Ang daing pa ng kamag-anak ni Ate Marlyn, pinauwi siya sa bansa kung kailan malala na ang sitwasyon nito. Member siya ng PhilHealth pero hindi magamit sa ospital dahil paso na raw ang OWWA nito.
Hindi alam ng pamilya kung saan kukunin ang pangtustos sa pang araw-araw na gamutan sa kawawa nilang ate. Ilang OFWs pa ang may ganitong kaso na itinuturing nating bayani, pero walang matibay na proteksiyon mula sa gobyerno?
Sa mga may ginintuang puso na gusto pong tumulong, maari pong magbigay ng donasyon sa kapatid niyang si Mary Jane Robles sa acct# 005910314166.