Dear Vanezza,
May lihim po akong gusto sa isang lalaki na hindi ko naman alam kung may gusto rin sa akin. Pero nahuhuli ko siyang nakatingin sa akin kapag nasasalubong ko. Itatanong ko lang po kung ang mga tingin ba niya sa akin ay palatandaan na lihim din niya akong gusto? Mahal niya kaya ako kaya niya ako tinitingnan? Magiging kami kaya? Salamat po sa payo. - Krissy
Dear Krissy,
Huwag mo munang bigyan ng malisya o kahulugan ang mga tingin niya. Hindi puwedeng pagbasehan ang mga tingin lang para sabihing mahal ka na agad ng lalaki. Sa kinikilos mo, para mo na rin ipinapaalam na gusto mo siya. Hayaan mo siyang magkusa na ligawan ka. Kung gusto ka niya, siya ang gagawa ng paraan para magkalapit kayo.
Sumasaiyo,
Vanezza