Kung iniisip mo na marunong ka nang humawak ng pera, tanungin ang iyong sarili kung ‘gaano kalaki ang nagastos ko noong nakaraang buwan? Ano ang pinagkagastusan ko?’ Kung hindi mo ito matandaan at kung hindi mo pa naiirekord, sign ito ng hindi ka pa marunong magkontrol ng pera, bagkus ikaw pa rin ang kinokontrol nito.
Kahit sa loob lamang ng isang buwan, irekord kung magkano ang perang hawak mo at kung kailan mo ito natanggap. Isulat kung anu-ano ang mga pinamili mo at kung magkano ang mga ito. Sa katapusan ng buwan, kuwentahin kung magkano lahat ang natanggap mo at ang nagastos mo.
Kung magkano ang badyet mo para sa iyong mga gastusin; gawin mong basehan ang mga inirekord mo tulad ng kung magkano talaga ang aktuwal na nagagastos mo. Irekord din ang mga gastusing wala sa plano.
Malalaman mo kung malaki ang ginagastos mo kaysa sa iyong badyet at saka mo baguhin ang iyong kinagawian pagdating sa paggasta ng iyong pera at matutong magtipid. Bayaran ang iyong mga utang. Maging matalino sa paggastos.
Malaking tulong ang pera at mahalagang bahagi ito ng buhay ng maraming tao, ang pagtanggap ng kita at pagbabadyet ng pera. Pero ang laging tanong marunong na ba akong humawak ng pera o ako pa rin ang kinokontrol nito?