Nakaaalarma sa panahon ngayon na may mga kabataan nang nagpapakamatay.
Kadalasan sa mga kabataan ay may suicidal tendencies ay ‘yong mga dumadanas ng family problems, broken relationships, early pregnancy, frustrations sa maraming bagay, at bullying.
Mas marami sa mga kabataang babae ang nagpapakamatay kaysa sa mga lalake. Mas mabilis kasing makaisip ng way ang mga babae kung paano sila magpapakamatay sa pamamagitan ng pag-overdose sa mga gamot, paglalaslas, etc.
Samantalang ang mga lalaki naman ay naiisip nilang magbaril, magbigti, tumalon sa mataas na building, kung saan mas mahirap makatiyempo na walang makakakita habang ginagawa nila ang suicide.
Importanteng laging may komunikasyon ang mga miyembro ng pamilya. May mga ibang anak siguro na naiilang na magsabi ng kanilang mga dinadala sa kanilang mga magulang dahil natatakot mapagalitan o iniisip nilang hindi seryosohin ng magulang nila ang kanilang problema.
Dapat maramdaman ng mga anak na mayroon silang mga magulang na makikinig sa kanila at dadamayan sila sa kanilang mga problema.
Sa ganitong mga maliliit na bagay magsisimulang mabawasan ang dami ng mga kabataang nagsu-suicide sa ating bansa.