Ang dami mong lucky charm sa bahay pero lagi ka pa rin gipit sa pera. Narito ang maaaring mga dahilan:
Ang lokasyon ng iyong business office (kung may sariling negosyo) o apartment/condo ay nasa pinakadulo ng madilim at masikip na hallway.
Marumi ang stove at hindi lahat nagagamit ang burner dahil sira ang isa. Kayamanan ang sinisimbulo ng lutuan o stove kaya dapat lang na ito ay in good condition, pinaghahaliling gamitin ang burners at laging malinis.
Barado ang toilet at sira ang ventilation.
Kulay asul (dark blue) o itim ang bubong. Kahit anong kulay maliban sa blue at itim ang gamitin sa bubong ng bahay o business office dahil nagiging dahilan ito ng financial problem.
Naglalagay ng coins sa sahig. May mga bahay akong nakikita na may naka-fix nang coins sa entrance ng bahay para maakit daw ang perang pumasok sa pintuan. Ang istilong ito ay lalo lang nakakagipit ng pera. Gumamit ng stand o lagayan ng money enhancers. Huwag ilalapat sa sahig.
Basag na o may crack ang lucky charm pero idinidispley pa rin. Lalo lang itong umaakit ng negative energy.
Mali ang kulay na ginamit sa front door. May angkop na kulay sa front door depende kung saang direksiyon ito nakaharap. South—red, orange, purple, magenta, pink, green, brown. North—blue, black. Northeast/Southwest—light yellow, beige. West/Northwest—Gray, white. East/Southeast—brown and green.