Dear Vanezza,
Please call me Bambi, 18 years old. Sa ngayon ay nag-aaral ako ng Computer Science sa isang school dito sa Metro Manila. May nanliligaw sa akin na professor ko. Pero may bf na ako. Nag-aaral siya sa ibang school. Ngunit natatakot akong ibasted ang professor ko at baka makainitan ako at ibagsak niya. As of now, wala pa akong sinasabing wala siyang maaasahan. Nagpapakita ako ng pagkamagiliw sa kanya dahil fear ko nga na baka ibagsak niya ako. You see, mahal ko ang bf ko. Ano ang dapat kong gawin?
Dear Bambi,
Baka naman ang pagpapakitang giliw mo sa kaya ay magbigay ng false hope sa kanya at lalo kang mapahamak sa dakong huli. Ang mabuting gawin mo ay prangkahin mo na siya. Sabihin mong may bf ka na at wala na siyang maaasahan. Huwag kang mag-alalang ibabagsak ka niya dahil kawalan ng ethics kung gagawin niya iyan at puwede mo siyang ireklamo. Huwag mo nang patagalin. Ngayon pa lang ay maging tapat ka sa kanya.
Sumasaiyo,
Vanezza