Dear Vanezza,
Mula nang iwanan ako ng boyfriend ko last year ay hindi pa ako nakaka-recover. Paminsan-minsan ay niyayaya ako ng barkada na gumimik pero hindi ko pa rin siya malimutan. Mapagmahal at maalalahanin siya kaya hindi ko akalain na ipagpapalit niya ako sa iba. Sa ngayon ay may nanliligaw sa akin. Wala akong masyadong feelings sa lalaking ito pero gusto kong subukan at baka sakaling matutuhan ko siyang mahalin. Mabait din siya kahit hindi masyadong guwapo. Tama ba na sagutin ko siya? - Lysa
Dear Lysa,
Huwag mo siyang sagutin kung hindi mo pa tiyak ang damdamin mo. Mahirap kung sasagutin mo siya tapos magbabago ang feelings mo sa bandang huli. Magiging unfair ito sa kanya. Magsimula kayo as friend at sa paglipas ng mga araw, malalaman mo kung may uusbong na pag-ibig sa puso mo. Puwede kang lumabas with him on a friendly date para malaman mo ang buo niyang pag-uugali at kung kayo’y compatible. Bigyan mo ang iyong sarili ng sapat na panahon para pag-aralan ang damdamin mo sa kanya.
Sumasaiyo,
Vanezza