MANILA, Philippines — Benta sa social media ang Halloween paandar ng magkaibigang Rhian Ramos and Michelle Dee.
Si Rhian, naging copycat si Taylor Swift habang si Michelle Dee si Beyonce.
Andami talagang napa-wow lalo na dun sa reel video ni Rhian na pinapakita ang transformation niya na aniya ay hindi madali.
Sabi niya sa caption : “Big thanks to every member of the team for bringing their A game for queen Taylor. you have no idea how much thought each person put into this shoot! We had so much fun fangirling the whole time”
In all fairness, mananalo siyang kalokalike sa It’s Showtime kung sumali ang actress.
Na-happy naman ang Swiftie sa ginawa ni Rhian.
Winner din si Michelle as Deeyonce. Effort talaga sa hair pa lang at pati mga liyad pose ni Beyonce, nakopya niya.
Like Rhian, kung sumali rin si Michelle sa Kalokalike, winner din siya.
Panalo rin ang outfit ng magkapatid na Toni and Alex Gonzaga na Wicked.
Actually, marami ngang celebrity ang naging busy sa kani-kanilang Halloween outfit para sa social media platforms nila.
Julie Anne, pang-34th calendar girl
Proud boyfie si Rayver Cruz kay Julie Anne San Jose na inilunsad na Ginebra San Miguel Calendar Girl 2025.
Sa ika-190 anibersaryo ng flagship brand nito, ang Ginebra San Miguel, pinangalanan nga ang Asia’s Limitless Star bilang 2025 at 34th Ginebra San Miguel Calendar Girl. Kung paanong nalampasan ng Ginebra San Miguel ang pagbabago ng panahon at nanatiling may kaugnayan sa mga mamimili, Julie Anne has continuously reinvented herself for her fans since 2005 by staying true to her artistic vision while thriving in a competitive industry with her passion and “never-say-die” spirit.
“Her dedication to her craft and resilience in the industry mirrors Ginebra San Miguel’s 190-year legacy of excellence, making her the perfect choice for our next Calendar Girl,” ayon sa GSMI Marketing Manager na si Ron Molina.
Sa Obra Maestra (Masterpiece) bilang tema para sa 2025 na mga kalendaryo, binibigyang-buhay ng multi-awarded singer ang anim na visual compositions, na lumilikha ng nakamamanghang koleksyon ng mga walang hanggang obra maestra na tinapatan niya ng iba’t ibang production number sa ginanap na press launching nito.
“For 190 years, Ginebra San Miguel has crafted masterpieces in every bottle, offering only the finest in distilled spirits. Our next calendar continues to uphold GSMI’s heritage of excellence with a tribute to classic art, reflecting the same dedication to quality craftsmanship that has made our gin popular and loved by many since 1834,” Mr. Molina added.
Mula sa pagiging kontesera ng maraming singing contest, naging poste siya ng musical and variety shows ng GMA 7, sa kasalukuyan si Julie Anne ay judge ng The Voice Kids Philippines at host of singing competition na The Clash.