Ang bongga naman ni Yasmien Kurdi na nilantad na ang kanyang bagong panganak na baby girl.
Ibinahagi ng misis ni Rey Soldevilla ang video ng kanyang daughter habang natutulog ito sa crib. “Hello, I’m new here! My name is Raya Layla. And I’m the new ruler of the cutie pies,” caption nito.
Sunod naman niyang ipinost ang litrato ng bunso kasama ang panganay nilang si Ayesha na makikita rin na nagmana sa ganda ni Yasmien.
Mukhang ready na rin ang dalaga nilang alagaan ang kanyang nakababatang kapatid.
Lutang din agad ang ganda ng baby no. 2 nila at walang dudang nagmana rin ito sa mommy Yasmien nila.
Maaalala ngang sinabi ni Yasmien na kanyang inilabas ang anak sa pamamagitan ng caesarean section.
Inulan naman siya ng pagbati mula sa mga kaibigan at tagahanga.
Pati nga si Iya Villania ay napakomento ng “She’s so precious. Angel face” sa video ni Raya Layla na kanyang ipinanganak noong April 28.