Magkaiba ang paniniwala ng netizens sa paghihiwalay nina Jericho Rosales at Kim Jones. May nanghinayang na naghiwalay ang dalawa na hindi man lang nagkaanak. Baka raw hindi sila naghiwalay kung may anak sila.
May mga pumuri naman sa former couple dahil naghiwalay ng walang ingay, walang sumbatan at walang siraan. Mahahalata lang na hindi na sila couple dahil wala nang photos si Jericho sa Instagram ni Kim.
Sa side naman ni Jericho, dalawang photos na lang nila ni Kim ang nakikita namin, parehong 2021 ang date. Iyong isang photo noong bagyong Ulysses pa and that was 2021 at hiwalay na pala sila noon.
Ang tanong ng lahat, bakit naghiwalay sina Jericho at Kim? Sa mga susunod na araw, may mga magkukuwento sa nangyari, kaya abangan na lang natin.
Sharon, bitin sa resulta ng MRI
Natuloy na ang pagpapa-MRI ni Sharon Cuneta na kanyang iniiwasan at ang MRI ay para malaman kung anu-ano ang cause ng tinawag ni Sharon na pinched nerve sa kanyang lower back. Lumipat daw ang pananakit sa right side ng kanyang body.
Nabanggit din ni Sharon na sa unang MRI na ginawa sa kanya, nakitang may torn ligament sa right knee niya. Malalaman sa bagong MRI kung may bago siyang injury na dahilan ng pagli-limp niya mula nang malabalik sa family vacation nila sa Seoul, Korea.
Hindi pa sinasagot ni Sharon ang mga tanong ng mga kaibigan kung ano ang result ng kanyang MRI. Ang pinost nito ay ang usapan nila ng nurse na nag-assist sa kanya. Hiningi sa kanya ng nurse ang full name niya at ang birong sagot ni Sharon ay “Julia Roberts,” hahaha.
Pati si KC Concepcion na nasa bansa na yata ay napa-comment ng “RUGO!!!” na sabi ng followers ni Sharon ay Kapampangan word for “nakakaawa.”
Ikinatuwa rin ng fans/followers ni Sharon na ni-like nito ang post ni Sharon tungkol sa brother niyang si Miguel when he was 1-1/2 years old and getting his first haircut.
Kathryn, mas pinaboran ang loyalty
Mali ang inakala ng marami na aalis sa Star Magic si Kathryn Bernardo at lilipat sa Crown Management ng mag-asawang Rambo Nuñez at Maja Salvador. Sa Feb. 2, magre-renew ng kanyang kontrata sa Star Magic ang aktres.
Sa contract signing ni Kathryn na rin siguro ilalatag ang upcoming projects sa telebisyon at pelikula. Siguradong hihintayin ng KathNiel fans nina Kathryn at Daniel Padilla kung magkakaron ng project ang ex-couple o talagang the end na pati ng kanilang love team.