Inamin ni Jessa Zaragoza sa Fast Talk with Boy Abunda na nagiging confrontational siya tuwing may umaaligid sa mister niyang si Dingdong Avanzado.
Bakas daw sa kanyang boses ‘pag galit na siya dahil bumababa raw ang tono nito pero hindi naman daw siya ang tipo na nang-aaway.
Hindi rin daw siya palasigaw pero ipinaparinig niya ang kanyang galit.
Ayon naman sa mister niyang si Dingdong ay kailanman hindi siya pinagselos ni Jessa pero paminsan daw ay pinagseselosan na niya ang telepono nito dahil doon daw ito abala at nakatutok pero naiintindihan naman daw niya ito.
Kahit na dalawampu’t dalawang taon na silang kasal ay ang dami pa rin daw nilang nadidiskubre sa isa’t isa. Ang dami pa rin daw nilang natututunan na akala nila ay alam na nila ang lahat.
May nadiskubre naman daw si Dingdong kay Jessa at ito raw ang pagiging sobrang kalog nito na hindi pa nito naipakita noong nagsisimula pa lang sila.
Very throwback. Hahaha. Bongga.