MANILA, Philippines — Sa totoo lang, abot-tainga ang kasiyahan ng guwapong singer na si L.A. Santos sa contract signing niya kamakailan sa Star Music bilang pinakabagong recording artist nito.
Sa tulong na rin ni Imelda Papin, ang Jukebox Queen, personal na pinili ni Imelda si LA para siya ang mag-revive ng pinasikat nitong kanta na Isang Linggong Pag-Ibig.
Sa presscon/contract signing ni L.A., pinarinig nito ang millennial version ng Isang Linggong Pag-Ibig.
Sa totoo lang ay bumagay sa kanya ang kanta at nabigyan niya ito ng justice. Kaya naman hindi kami magtataka kung maghi-hit ito dahil nakaka-LSS (last song syndrome) naman talaga ito.
Sinabi ni Mel Papin na taong 1992 pa unang narinig ito at talaga namang sumikat, pero ngayon lang siya na-convince na may magre-revive ng pinasikat niyang awitin dahil bumilib siya kay L.A.
Proud na proud si Mel na ngayon ay manager na rin ng Papin Entertainment Productions.
Maraming salamat din sa mommy ni L.A. na si Mrs. Santos dahil siya ang personal na nag-asikaso sa aming mga press people at si Ruby na anak ni Bellie Flores ang talagang bising-busy.