Ang puso ko’y pusong-puso
Ngayong araw ng pag-ibig
Pag-ibig ko’y tanging sayo
Pagka’t ito’y hanggang langit
Marami ang mga pusong
Sa iyo ay nagnanais
Ngunit tanging ako lamang
Ang tapat na umiibig
Posible nga at maaring
Akala mo’y hindi tunay
pagmamahal na sa iyo’y
Tanging sa’yo’y aking alay
Ang dibdib ko ay buksan mo
At may dugong bumubukal
Na sa ibang mga puso’y
Tanging ako ang may taglay