Happy birthday today, January 2, kay Pambansang Bae Alden Richards. Isang Holy Mass ang birthday gift kay Alden ng kanyang fans sa St. John The Baptist Church in San Juan City.? May special presentation sa birthday niya ang Eat Bulaga sa Broadway Studio kaya naman nagkaubusan na ng tickets at iyong mga late nang humingi ng, wala nang pag-asang makapasok, pero siguradong may gagawin ang show para makapanood pa rin ang mga fans na hindi na kasya sa main studio.
Bago mag-New Year, dalawang beses nag-host ng New Year’s countdown si Alden, ang una ay sa Marikina Sports Center, na talaga namang dinayo ng mga tao. Bago nagpunta ng Marikina, nag-rehearse muna si Alden ng performance niya sa Lipad sa Bagong Taon ang GMA Countdown sa Seaside ng Mall of Asia.?
Ang Kapuso tween star na si Bianca Umali ang nagtanong kay Alden ng kanyang New Year’s Resolution at sagot nito: “Mas magiging mabait akong tao.”? Biniro naman siya ni Bianca na paano raw iyon, hindi ba sila magkasama ni Ate Meng (Maine Mendoza) sa countdown? Oo nga raw, hindi, kasi nasa family vacation ang mga Mendoza sa Japan.
May nagtanong nga pala kung malakas daw ang Concha’s Garden Cafe ni Alden sa Quezon City, tulad ng una niyang resto sa Tagaytay City. Oo raw dahil from breakfast to dinner until 10:00PM, hindi nawawalan ng tao. May point daw na need ng iba na maghintay kung puno ang resto.?
No wonder, totoo nga siguro ang balita na may isa pang branch ng Concha’s Garden Cafe na bubuksan si Alden at ang mga kasosyo niyang sina Juris at Gemma Sembrano. It seems na isa pang magandang taon ito kay Alden at kay Maine dahil after ng birthday celebration niya, sasabak na sila sa taping ng kanilang first teleserye sa GMA-7, ang Destined To Be Yours.
Sen. Manny may bagong pinaplano sa boxing career
Mukhang nagbago na ng pananaw si Senator Manny Pacquiao hinggil sa kanyang pagiging senador at sa pagiging Pambansang Kamao. Tuloy pa rin ang kanyang paglaban sa ring bilang isang boxer, ayon sa kanyang manager, na malamang daw ay dalawang laban pa ang gagawin niya next year.
Pero ayon kay Sen. Manny, gagawin lamang niya iyong laban niya na hindi siya makakasagabal sa trabaho bilang senador.? Ibig sabihin, lalaban siya muli sa boxing kapag recess ang Senado.
Balak din ni Sen. Manny na bumalik sa paggawa ng TV shows at gusto rin niyang gumawa ng movies na may Christian message.?inag-isipan daw niya lahat ang gusto niyang gawin sa 2017 habang nagbabakasyon sila ng kanyang pamilya sa Korea.
Sharon binitbit ang lahat ng kasambahay sa Japan
Pagkatapos pa ng birthday ni Megastar Sharon Cuneta sa January 6, babalik ng Pilipinas ang Pangilinan Family na sa Japan naman nag-Holiday Season vacation. Kasama sina KC Concepcion, Frankie, Miel at si Miguel.? Kasamang lahat ng family ang kanilang mga kasambahay.?
Ayon sa Facebook ni Sharon, iyon ang pinakamatagal nilang bakasyon sa Japan at kasama pa ang buong pamilya.
Pagbalik nila sa bansa, balik-trabaho na rin si Sharon at sa paghahanda sa pagsisimula ng movie nila ni Gabby Concepcion sa Star Cinema na ididirek ni Cathy Garcia-Molina.