MANILA, Philippines - Para sa mag-inang Jaclyn Jose at Andi Eigenmann, totoo ang kasabihang like mother, like daughter dahil pareho silang kinilalang Best Actress. Kaya para kay Jaclyn, ang tagumpay ng kanyang anak ang kanyang kaligayahan. Sa sobrang proud sa kanyang anak, agad itong nag-post sa kanyang Instagram account ng mensahe para sa panganay. “Congratulations Andi I am so proud of you you are indeed the best actress of your generation. I know how much you work hard for your craft and I know you do all these for Ellie I love you ! Proud!,” ani ng Kapuso actress.
Serye nina Gabby, Sunshine at Ryza, nag-trending
Hindi kami nagkamali nang sabihin namin na siguradong tututukan ng mga manonood ang GMA Afternoon Prime series na Ika-6 Na Utos na pinagbibidahan nina Gabby Concepcion, Sunshine Dizon at Ryza Cenon. Mapapatunayan namin ito dahil pilot episode pa lang, trending na ito sa Twitter.
Nakakabilib talaga. In fact, ang lead actress nga nito na si Sunshine ay agad na nagpasalamat sa mga sumuporta at sumubaybay sa kanilang programa.
Abangan pa ang kapana-panabik at nakakaintrigang istorya ng Ika-6 Na Utos pagkatapos ng Eat Bulaga sa GMA.
Kapuso shows pinanood
Masaya kami sa nabalitaan namin tungkol sa mga programa ng GMA tuwing hapon. Ayon kasi sa aming source, panalo raw ang Afternoon Prime block ng Network na kinabibilangan ng Ika-6 Na Utos, Hahamakin Ang Lahat at Sa Piling Ni Nanay! Hindi naman ito kataka-taka dahil sa ganda ng mga istorya nito, talagang tututukan ito. Congratulations, mga Kapuso!