Nagpapasalamat si Eugene Domingo kay John Lloyd Cruz sa sinabi ng actor na wish niya itong makatrabaho.
Binanggit ni John Lloyd sa Fast Talk portion ng Tonight with Boy Abunda bago matapos ang taon ng 2015 ang nasabing wish niya.
Mabali kaya ni Lloydie ang promise ni Eugene na hindi na siya gagawa ng movie dahil hindi naman pinapanood ng mga tao ang movie niya kahit gaano kaganda at katino na ang pinakahuli ay ang Barber’s Tales.
Siguro naman hindi na magpapaka-choosy si Eugene at hindi na ito magdadalawang isip kung si John Lloyd mismo ang nagri-request na makatrabaho siya.
Tiyak na ngayon pa lang ay marami nang naglalarong istorya para kina Lloydie at Eugene ng interesadong producer.
Hindi na rin mangangamba tiyak si Eugene kung papanoorin ng tao ang movie niya, kung si Lloydie ang kasama nito na subok na ang hatak sa takilya.
Nauna nang sinabi ni John Lloyd na gusto niyang makipag-collaborate sa iba pang artist maging sa mga bagong artista o senior actors, directors, at iba pang talents kahit pa hindi niya ka-network.