MANILA, Philippines – Malaking supresa at kasiyahan sa mga batang ulila sa bahay ampunan na The Little Home w/ Nazareth ang pagdalo ni Alonzo Muhlach, anak ni Niño Muhlach. Ginanap ito sa Las Piñas, at namigay siya ng pagkain at mga laruan sa mga batang ulila.
Sana ay tularan ng ibang nakakaangat sa buhay ang ginawa ni Alonzo. Share your blessings, hindi ‘yung puro tago na lang ang pera.
Carlos nagka-career sa GMA
Nasa Channel 7 na rin pala si Carlos Agassi dahil napanood siyang nakikipaglaban sa Bulaga Pa More ng mga inawit ni Francis Magalona. In fairness, magaling mag-rap si Carlos at nakakagulat na habang kumakanta ay nag-i-skip rope pa siya.
Mahirap ‘yun sabi nga ni Julia Clarette at Pia Guanio.
Kulang sa exposure sa Dos si Carlos kaya marahil humahataw sa Kapuso. Sabi nga, where the grass is greener doon ka. Dapat lang ‘di ba Manay Letty?
Sunday PinaSaya mas sakto kesa sa SAS
Tama ang desisyon ng GMA na gawing kakaiba ang Sunday PinaSaya. Iba-iba kasi ang drama nila. Ayaw ng televiewers na pulos sing and dance na lang pinanonood nila. Gusto nilang matawa, habang nanonood dahil maraming problema ang ating bayan, lalo na ang kahirapan.
Kung nakakatawa ang napapanood, nakababawas ito sa depression. Ang problema lang, maraming nawalan ng trabaho sa pagkatigbak ng SAS. Lalo na ‘yung ibang artista na sumayaw at kumanta lang ang forte, at mga back-up dancers.