MANILA, Philippines - Huling termino na ni Lito Lapid bilang senador this year at sabi niya last year, totally hindi na siya papasok pa uli sa pulitika. Magpapahinga na lang daw siya sa kanyang farm, ayon na rin sa staff niyang si Alex Marcelino.
Pero biglang nagbago ang ihip ng hangin ngayon. Hindi na nga siya tatakbong senador pero tatakbo naman siyang Mayor ng Angeles City, Pampanga!
“Hindi kasi maiwan ni Senador Lito ang public service e. Hahanap-hanapin niya ang nakagawiang pagtulong sa mga tao,” pahayag ni Alex na naging matapat kay Sen. Lapid hanggang ngayon.
E ‘yung showbiz, ‘yung pelikula, ‘yung telebisyon, hindi ba niya nami-miss? Basta raw may magandang project para sa kanya, bakit naman niya hindi gagawin? Aktor pa rin naman si Lito hanggang ngayon at ‘yung mga lumang pelikula niya ay napapanuod pa rin sa Cinema One at Pinoy Box-Office channel sabi naman namin.
Kahit magkakasama, Martin, Gary, Regine at Lani magpapatalbugan sa Valentine concert
Sino kaya ang aani ng malakas na palakpakan kapag nagsama-sama na sa Valentine concert nila sina Martin Nievera, Gary Valenciano, Regine Velasquez at Lani Misalucha? Nakakaganyak panoorin ang apat sa February 13-14 sa MOA Arean sa kanilang Ultimate Valentine concert.
First time magsasama ng apat.