MANILA, Philippines - Kinilabutan kami at muntik mapaiyak noong makita namin ng personal si Pope Francis sa may España St. sa UST (University of Santo Tomas). Basang-basa kami sa ulan, pero wala kaming pakialam basta maabangan lang namin ang pagdaan niya. Nakakabingi ang sigawan ng mga tao habang dumaraan siya sa harap namin.
Biglang nagbago ang pananaw namin sa buhay, at para kaming na-inspire.
Super saya namin noong oras na ‘yon ang nakakawindang lang, habang dumaraan na ang Pope ay biglang na-low batt ang tablet computer namin. Pero okey lang, at least nakita namin siya nang personal!
‘Pagbubuntis’ ni Julia nakatulong sa pelikula nila ni Gerald
Nakatulong sa isang banda ang pagkalat ng maling balita noon na buntis si Julia Montes. May bago kasing movie ang batang aktres katambal si Gerald Anderson. Balitang sweet sina Julia at Gerald sa Halik sa Hangin at bagay na ikinababahala kung magseselos si Maja Salvador. Malinaw namang sinabi noon ni Julia, ayaw niyang ma-link sa kapwa artista. Hindi nga ba’t natukso rin siya kay Coco Martin noon?
Charee Pineda iniwan na ang showbiz, mas gustong maging kagawad?!
Nasaan na ba si Charee Pineda na umani ng papuri noon sa mga nagawang niyang serye sa GMA? May mga nagkukuwentong abala na si Charee sa pagiging kagawad.