MANILA, Philippines - Pagbabayaran ni Dr. Ramon Mendoza (Marvin Agustin) ang halaga ng kanyang kahibangan para kay Bernadette (Bianca King/Neri Naig) sa pagtatapos ng psycho-drama series ng TV5 na Obsession ngayong Huwebes (April 10). Mabubunyag ang mga kasinungalingan at panlilinlang lalo pa’t mahuhuli ng mga pulis ang pangunahing kasabwat ni Ramon: Ang kanyang inang si Regina (Elizabeth Oropesa). Hihingi ng tawad si Regina kay Bernadette at sasabihing ginawa niya lang ang lahat para protektahan ang kanyang anak.
Samantala, malalaman din sa pamamagitan ng DNA test na ang lalaking may mukha ni Ramon na nasa kustodiya ng pulisya ay walang iba kundi si James (Martin Escudero). Pinahirapan at inoperahan ni Ramon si James upang mapagpalit ang kanilang mga mukha. Ngayong nabunyag ang lahat ng kahayupan ni Ramon, magtatago ang doktor habang nagplaplano ng kanyang paghihiganti kay Bernadette. Matatakasan kaya ni Bernadette ang kahibangan ni Ramon?
Huwag palampasin ang pinakaaabangang pagtatapos ng Obsession ngayong Huwebes, 8 p.m., sa TV5.