MANILA, Philippines - Ngayong Linggo, sasariwain ni Drew Arellano kasama ng kanyang mga makukulit na Ka-AHA! ang mga di-malilimutang AHAdventure sa taong 2012!
Ano nga ba ang AHA! kung walang nakatutuwang science experiments? First time na ipinakita sa Philippine TV ang mga posibleng paraan para mapigilan ng tao ang sinasabing asteroid na tatama sa Earth, sa pamamagitan ng isang experiment. Maging ang sabi-sabing nakababasag ng baso ang boses, inalam din ng AHA! kung totoo.
Napa-AHA! rin ang mga manonood nang makita kung paano nga ba ginagawa ang mga barko, ang makukulay na crayons, ang mga sariwang pinya na nagiging de-lata, at kung anu-ano pa!
Pagdating naman sa extreme adventures ‘di nagpapahuli diyan ang AHA! Sa katunayan, nakipagsabayan ang programa sa mga halos buwis-buhay AHAdventures ngayong taon na tiyak na muling magpapasigaw sa mga manonood!
Binalot din ng takot ang ilang episodes ng AHA! nitong taon. Pero sa tulong ng siyens’ya, inalam nina Drew at ng kaniyang mga ka-AHA! kung ano nga ba ang hiwaga sa likod nitong mga di-maipaliwanag na bagay at pangyayari.
AHA-bangan lahat ’yan ngayong Linggo ng umaga sa AHA! December 30, 9:15 ng umaga sa GMA-7.