CEBU, Philippines - Samot nga milapad ang biya tali nila sa duha ka magkaribal nga si undefeated American Floyd Mayweather ug Filipino boxing icon Manny Pacquiao sa katungod kun kinsa gyud nila ang mas maayo nga boksidor.
Kini human mikanaog sa ikaunom nga dapit ang eight-division world champion nga si Manny Pacquiao sa ranking sa Yahoo! Sports diin usab naghari si Mayweather sa unang dapit.
Si Mayweather kinsa way pilde sud sa 43 niya ka away mao ang anaa sa No.1 spot sa ranking sa kun kinsa ang labing kusgan nga boksidor Yahoo! Sports basi usab sa mga botos sa mga boxing fans.
Sa iyang bahin, si Pacquiao kinsa nakahiagum og duha ka sunod-sunod nga pilde sa miaging tuig minaug sa ranking nagsunod ni Filipino super bantamweight champion Nonito Donaire kinsa maoy ikalima sa lista.
Dili na usab angay ikahibung ang resulta sa ranking nga gipagawas sa Yahoo! Sports tungod usab sa mga pilde ni Pacquiao lakip na ang nahiaguman niyang sixth round knockout sa mga kamot ni Mexican boxing superstar Juan Manuel Marquez kinsa mao ang No.3 sa ranking. (BANATSPORTS)