CEBU, Philippines - Krusyal nga duwa ang atubangon sa Smart Gilas Pilipinas sa ilang pakigharong sa Sagesse Club sa Lebanon
sa quarterfinal round sa 24th Dubai International Basketball tournament karong gabii didto sa Al Ahli Sports Club sa
Dubai.
Ang Smart Gilas may kahigayonan untang makakuha sa automatic semifinals berth apan nakahiagum sila og
duha ka sunod-sunod nga pilde sa group stage batok sa host Dubai ug Jordan.
Gumikan niini, angay haruson sa Smart Gilas ang mga lig-ong koponan nga ilang ikaharong sa quarterfinals
aron moabante sa final four.
Dili sayon ang tahas sa Smart Gilas tungod kay usa ka lig-on nga koponan ang Lebanon nga moduwa uban ang
ilang duha ka American imports nga sila si Aaron Harper ug DeShawn Sims.
Anaa usab ang tulo ka mga Lebanese shooters nga sila si Rodrigue Akl, Elias Rustom, Mohamad Ibrahim ug
Elie Estefhan.
Sa ilang bahin, ang Smart Gilas ni coach Chot Reyes magsalig sa ilang 6-foot-9 naturalized center Marcus
Douthit. Maghangad sab kini sa suporta nilang KG Canalete, Ronjay Buanafe ug kanhi collegiate standout Garvo Lanete. (BANAT NEWS)