Milampos ang Filipino Mixed Martial Arts (MMA) fighter nga si Kevin ‘Silencer’ Belingon dihang iyang gi-KO sa round 1 ang Russian nga si Yusup Saadulaev sa ONE Fighting Championship didto sa Singapore.
Si Belingon sa Team Lakay Wushu usa lang sa mga sumusulbong nga Pinoy MMA fighter nga hinay-hinay nga mihimo og pangan sa Asya. (LPM)
Mavs daog didto sa Germany
Midaog ang Dallas Mavericks sa ilang pre-season game kagahapon didto sa Germany diin midaog sila batok sa Berlin Alba, 89-84.
Nangulo sa Mavericks ang German nga si Chris Kaman nga mihimo og 14 puntos, samtang ang iyang kababayan og NBA superstar nga si Dirk Nowitzki mitira og otso puntos. (LPM)
Hatton gitambagan ni Tyson
Gitambagan ni heavyweight legend Mike Tyson ang kanhi British boxing champion nga si Ricky Hatton nga huna-hunaon una sa dili pa muhukom nga mobalik sa boxing human kini miretiro.
Si Tyson nagtuo nga maglisud si Hatton pagbalik ilabi na nga nagkatiguwang na kini. (LPM)
Silvano mi-TKO sa kontra
Atubangan sa iyang mga katagilungsod, milampos si Vergilio ‘Maton’ Silvano sa Omega Boxing Gym sa pagdepensa s aiyang PBF light flyweight title didto sa Dalaguete, Cebu.
Si Silvano mi-TKO sa round 8 sa iyang kontra nga si Lester Jun Pronco sa Sajulga Boxing Stable. (LPM)
Mga referee gireklamo sa UST
Gihulagway ni University of Santo Tomas (UST) Growling Tigers coach Pido Jarencio ang mga referee sa UAAP nga dili patas ngadto kanila og midapig sa Ateneo Blue Eagles.
Kini ang pamahayag ni Jarencio human sa ilang, 78-83 nga kapildehan batok sa Blue Eagles sa Game sa 1 sa finals sa UAAP season 75 niadtong Sabado. (LPM)