CEBU, Philippines - Tulo ka championship games ang gitakda karong adlawa sa Talisay Mayor's Cup 2012 Inter-Barangay Basketball Tournament didto sa Talisay City Sports Complex.
Unang magduwa sa alas-5:30 sa hapon mao ang Brgy. San Roque ug Brgy. Poblacion alang sa Sangguniang Kabataan (SK) division title.
Sundan kini sa engkuwentro tali sa Brgy. Lagtang ug sa Brgy. Cansojong nga mag-ilog sa titulo sa open division.
Sa main game sa alas-8:30 sa gabii, magtigi ang Brgy. San Isidro ug Dumlog 1 ubos sa seniors division.
Ganting salapi ug tropeyo ang madawat sa mga mananaog sa matag dibisyon diin mobulsa og P40,000 ang makampiyon sa open division, P30,000 ang madawat sa seniors ug P15,000 sa SK division.
Gawas pa niini, si tournament commissioner Samsam Gullas mohatag sab og usa ka lechon ngadto sa champion team sa matag dibisyon. (BANAT NEWS)