CEBU, Philippines - Mi-abante dayon sa semifinals ang 3rd seed Cebu institute of Technology-University (CIT-U) Baby Wildcats tungod sa ilang pagpalagpot sa no. 6 seed University of Cebu (UC) Junior Webmasters, 96-85 ubos sa high school division kagabii sa nagpadayong 12th season sa Cebu Schools Athletic Foundation, Inc. (CESAFI) didto sa Cebu Coliseum.
Nasangit pa ang 4th-ranked University of San Carlos (USC) Baby Warriors human sila mapilde sa 5th seed ug kanhi champion Cebu Eastern College (CEC) Dragons sa iskor, 70-83 aron pabiling buhi ang Dragons ug aduna'y laing tsansa nga mo-abante dihang magbagat sila'g usab batok sa mao gihapon kontra tungod kay naghupot man og twice-to-beat advantage ang Baby Warriors.
Sa collegiate division, gi-usban paglubong sa Southwestern University (SWU) Cobras ang no. 6 qualifier CIT-U Wildcats sa iskor, 91-70 aron sab mo-abante sa semifinals samtang ning pagsuwat sa alas 7 sa gabii, padayon pang nagkumbate ang no.4 seed ug defending champion UC Webmasters batok sa 5th-ranked USC Warriors kinsa milusad og mainitong 14-0 sa first period ug tulo niini gikan sa three-point territory.
Tulo ka CIT-U Baby Wildcats ang mibahug og double figures batok sa mas gagmay nga Junior Webmasters nga gipangulohan ni Andrey Armenion sa iyang 23 puntos.
Puntos matag usa:
CEC (Sec.) 83– Alvizo 23, Tan 10, Bacho 10, Zosa 9, Yao 9, Grijaldo 5, Berdera 4, Balankig 4, Bracero 2, Moral 2
USC (Sec.) 70– Sueto 19, Sotes 16, Camacho 9, Adlawan 8, Pillares 7, Bulan 7, Antigua 3, Piad 3, Oretga 1.