CEBU, Philippines - Magsinukliay na og mga kumo sila si Junie Salogaol sa Bukidnon ug Rogen Flores sa Dipolog City sa main event sa "Bahug-Bahug sa Sibonga" karong gabii didto sa Bonifacio Bacaltos Cultural Centrum sa Sibonga habagatang bahin sa lalawigan sa Sugbu.
Sa supporting bouts, sila si Rodel Wenceslao sa Mandaue City makigsangka ni Ryan Maano sa Tuburan sa six-rounder bout, samtang sila si Jerome Baja ug Steve Noblefranca magbinukbukay sa four-rounder match.
Magsilbe nga undercard sa maong fight card mao ang mga amateur bouts nga nipakita'g aksiyon sa Mayor Lionel Bacaltos Cup Amateur Boxing Competition.
Magsangka mao sila si Christian Camalan batok Filoteo Cudera, Kid Rama batok Reymart Antopina, Edward Señor batok Ramil Forcia, Elvin Revilleza batok Reymart Rehidor, Reboy Deparine batok Jayson Campaña, Arnel Delfin batok Jayson Enricoso ug Leo Torres batok Mark Cudera. (BANAT NEWS)