CEBU, Philippines - Unom ka koponan ang kompirmadong mosalmot sa Maribago Basketball Club (MBC) Brgy. Capt. Pangatungan Cup basketball tournament nga buksan ugma didto sa Maribago gym sa Lapu-Lapu City.
Ang mga partisipanteng koponan uban sa tagsa-tagsa nilang manedyer naglakip sa JB Sportswear sa magtiayong Billy ug Judith Nadado, VKK Divers ni Victor Malingin, Symona ni Peter Symona, Maribago Spa ni Brgy. Capt. Joseph Pangatungan, Solmeat ni Leo Bascon ug Francin Lou F5 ni Engr. Fernando Singco.
Sugdan ang kalihukan pinaagi sa parada sa mga partisipanteng koponan sa alas-2 sa hapon. Isunod sab dayon ang programa uban ni Maribago Brgy. Capt. Joseph Pangatungan, kinsa gipaabot nga mohatag sa iyang mahinungdanong mensahe.
Ang kalihukan gipaluyohan usab nila ni councilor Russel Abing ug kaubanang konsehales. (BANAT SPORTS)