Manila, Philippines - Muling gagawin sa SM Mall of Asia Music Hall at SM By the Bay ang NBA 3X Philippines 2012 na handog ng Sprite.
Ang torneo ay isang 3 on 3 event na gagawin mula Agosto 17 hanggang 19 at inorganisa ng Natio-nal Basketball Association (NBA).
Ito ang ikalawang edisyon ng kompetisyon at idinaos ang aksyon noong nakaraang taon sa nasabing venue at dinagsa ito ng mga mahihilig sa basketball.
Ang tagisan sa 3 on 3 ay bukas para sa mga 10-18 anyos sa kalalakihan, 13-17 sa kababaihan at open sa kalalakihan at kababaihan.
Bukod sa laro 3-on-3, magdaraos din ng Slam Dunk at Skills Challenge na handog ng Sprite at KFC Bucket 3-point shootout.
May idaraos ding mga clinics at community event na pangungunahan ng isang NBA player na sa ngayon ay hindi pa pinangangalanan.
Isasabay din dito ang Sprite Uncontainable Game na kung saan ang mga manlalaro ng dalawang Philippine finalists ay masasama sa global pool na kung saan pipili ng manlalaro sina NBA MVP Lebron James at Kobe Bryant para kumatawan sa Team Sudden at Team Intense.
Ang dalawang koponan na sasamahan ng tig-anim na NBA players ay maglalaro sa NBA All Star 2013 sa Houston, Texas.