CEBU, Philippines - Gimakmak sa F. Llamas Youth Association (FYA) Selection sa pagpangulo nilang ex-USJR Baby Jaguar Baeng Medalle ug ex-UC Webmaster Daniel Enriquez ang host Carmen Selection pinaagi sa pag-iskor og 108-79 nga kadaugan niadtong Domingo sa gabii atol sa ilang exhibition game didto sa Brgy. Del Carmen covered court sa Toledo City.
Miposa og lima ka triples si Medalle alang sa iyang 21 puntos aron pangulohan ang FYA Selection, samtang si Enriquez miamot og 14 puntos.
Silang Dondon Cadungog ug Dexter Caballero miamot og 20 puntos matag usa alang sa FYA Selection.
Si Henry Madrid maoy nangu sa Carmen Selection sa iyang 15 puntos, samtang laing duha ka teammates ang miiskor sab og double figures.
Nahimo ang maong kalihukan tungod sa pagpaluyo ni Del Carmen Brgy. Capt. Miguel Ipes ug ni sports committee chairman George Alec.
PUNTOS MATAG USA
FYA Selection (108) - B. Medalle 21, Enriquez 14, Cadungog 10, Caballero 10, N. Medalle 9, Patalita 8, Villaver 8, Garcia 8, Laborte 8, Regufo 6, Arreglo 6
Carmen Selection (79) - Madrid 15, Balasabas 14, Tamarong 10, Bastida 8, Ijares 5, Padilla 4, G. Bastida 4, E. Tamarong 4, Cruz 4, Paran 3, Ijares 3, Cañete 3, Macapaz 2 (BANAT SPORTS)