Bulldogs vs Warriors sa pagsisimula ng 75th UAAP

MANILA, Philippines - Bubuksan ng host National University ang kanilang kam­panya sa 75th UAAP men’s basketball tournament sa pagsagupa sa University of the East ngayon sa Mall of Asia Arena sa Pasay City.

Magtatagpo ang Bulldogs at ang Red Warriors sa ga­nap na alas-2 ng hapon matapos ang makulay na ope­ning ceremonies.

Sa alas-4 naman maghaharap ang University of Sto. To­mas at Far Eastern University.

Bukas sisimulan ng four-peat champions Ateneo De Ma­nila University ang kanilang pagtatanggol sa korona kon­tra sa Adamson University.

“It’s always hard to play the first game. There are jitters then you’re also playing in a new arena,” sabi ni NU coach Eric Altamirano.

Nagkampeon sa pre-season tournament, puntirya ng Bulldogs ang isang tiket sa Final Four ngayong taon.

Muling babanderahan nina 2011 UAAP Most Valuable Player Bobby Ray, Parks, Jr. at Cameroonian import Em­manuel Mbe ang NU.

Si Parks, anak ni seven-time PBA Best Import Bobby Parks, ay nagposte ng mga averages na 20 points, 6.5 re­bounds at 2.9 assists per game noong nakaraang sea­son.

Aasahan naman ni Red Warriors’ mentor Jerry Codi­ñe­ra sina Roi Sumang, Sam Razon, Adrian Santos, Ivan Her­nandez, Erwin Duran at Chris Javier.