CEBU, Philippines - Nagsalig sa maayong labok ni Sherwin Emmanuelle Resilla ang Teletech Titans, kinsa miihaw sa Accenture Shark, 78-67 sa Sun Cellular-presented 8th CSCC E-League basketball tournament niadtong Domingo didto sa City Sports Club-Cebu gym sa Cebu Business Park.
Si Resilla mirehistro og double figures pinaagi sa iyang 15 puntos ug 12 ka rebounds, gilamasan og upat ka steals ug tulo ka assists alang sa Teletech nga nag-una gihapon sa Southern Conference bitbit ang 6-1 nga baraha.
Mihimo sab og double figures si Sherwin Anghay uban ang 13 puntos ug si Lourenz Limpangog nga adunay 12 puntos alang sa Teletech nga wala na molingi pa human miposte og otso puntos nga bentaha sa first period, 23-15.
Ang pilderong Accenture gipangulohan ni Ryan Edward Llanos, kinsa miposa og 19 puntos, samtang si Jasper Loreto miamot og 17 puntos.
Sa sayo pa, si Ariel Ramonito Edera mipabuto og 24 puntos, samtang si Eliot Emerson Uy mibugwal og 16 puntos alang sa Kyrocera Frontiers nga mibuntog sa Calltek Trojans, 58-49. Ang Kyrocera nagtangag og 3-3 win-loss record, samtang ang Calltek nagbitbit og 1-6 nga baraha.
Sa laing aksiyon, ang Qualfon Knights walay puangod nga milubong sa Executive Boutique, 102-74.
Lima ka players sa Qualfon ang milansang og double figures sa pagpangulo ni Vincent Enriquez sa iyang 26 puntos, uban ang 11 ka rebounds, tulo ka assists ug duha ka steals. Gisundan ni Jopher Regidor nga adunay 25 puntos.
Si Arnulfo Gelbolingo miabuno og 25 puntos, samtang si Benjamin Sanchez mikubkob og 18 puntos ug si John Llesol mihakot og 10 puntos.
Ang naparot nga Executive Boutique gipangulohan nilang Andrew Thomas John Hilvano ug R'nyl Joel Cagas nga nagkumboya og 45 puntos.
PUNTOS MATAG USA
Unang duwa:
Kyocera (58) - Edera 24, Uy 16, Sy 5, Daniel 4, Rodriguez 4, Bacolod 3, Cabiles 2
Calltek (49) - Gellez 12, Genebraldo 12, Martinez 10, Junio 7, Abellana 3, Uy 3, Fernandez 2
Ikaduhang duwa:
Qualfon (102) - Enriquez 26, Regidor 25, Gelbolingo 23, Sanchez 18, Llesol 10
Executive Boutique (74) - Hilvano 23, Cagas 22, Vertuzado 15, Daumar 6, Bacurnay 4, Lampong 4
Ikatulong duwa:
Teletech (78) - Resilla 17, Anghay 13, Limpangog 12, Capillanes 10, Pardillo 7, Mata 4, Romulo 4, Belena 3, Quianzon 3, Maxilom 2, Jayme 2, Banua 1
Accenture (67) - Llanos 19, Loreto 17, Suerte 9, Buligan 8, Abesia 8, Lachica 4, Masancay 2 (BANAT SPORTS)