CEBU, Philippines - Nakaikyas ang grandslam champion Poblaciongikan sa mga kamot sa Gabi/San Miguel, 99-98 aron moabante sa finals sa 6th Addy Sitoy Cup basketball tournament sa miaging adlaw didto sa Cordova Sports Complex.
Sa sayo pa, ang Alebangbang nakaipsot sab batok sa Catarman, 84-80 sa Game-2 sa ilang best-of-three semifinal aron tablahon ang serye sa 1-1 ug nakapugos og rubbermatch.
Ang modaog sa rubbermatch maoy makigsangka batok sa Poblacion alang sa best-of-three championship series sunod semana.
Ang beteranong si Mark Abadia mipupo og 28 puntos aron pangulohan ang Poblacion, kinsa nagpaabot na sa modaog sa duwa tali sa Alebangbang ug Catarman nga maoy ilang sangkaon sa finals.
Laing duha niya ka teammates ang mirehistro sab og double figures alang sa maong kadaugan.
Ang Gabi/San Miguel ni coach Joever Samonte gipangulohan ni Gomez pinaagi sa iyang 27 puntos, gisundan ni Ian Saladaga nga adunay 23 puntos.
PUNTOS MATAG USA
Unang duwa:
Alebangbang (84) - Amores 20, Alegado 15, Hatague 13, Antigua 9, Jumao-as 8, Jamin 7, Amoron 7, Severino 3, Baguio 2
Catarman (80) - Premacio 37, Andales 21, Panaguiton 11, W. Premacio 6, Pacaldo 2, Ihihao 2, Gamutan 1
Ikaduhang duwa:
Poblacion (99) - Abadia 28, Celocia 26, Degamo 23, Celocia 5, Tajanlangit 4, Quinaging 4, Baguio 4, Baguio 3, Varon 2
Gabi/San Miguel (98) - Gomez 27, Saladaga 23, Lagaras 17, Casilac 11, Tiro 10, Amores 5, Largo 5 (BANAT SPORTS)