CEBU, Philippines - Ipahigayon na karong adlawa ang University of San Jose-Recoletos (USJ-R) open scrabble tournament didto sa auditorium sa USJ-R Basak campus.
Sugdan sa alas-8:30 sa buntag, ang usa ka adlaw nga torneyo mosubay og eight-round, King-of-the-Hill format. Ang mga magduduwa gihatagan og 25 minutos matag usa pagtapos sa duwa.
Mga ganting salapi ang ihatag ngadto sa top five winners ug tropeyo alang sa kampiyon. Ang nag-unang tulo sa elementary ug high school categories makadawat sab og ganting salapi.
Gipasiugdahan sa Cebu Scrabble Association, ang kalihukan kabahin sa pagpangandam sa mga Sugbuanong magduduwa alang sa Visayas qualifying sa World Youth Scrabble Championship karong Agosto. (BANAT SPORTS)