CEBU, Philippines - Mihakot og labing menos siyam ka gold medals ang mga eskirmadors gikan sa International Combative Martial Arts Academy (ICMA) nga nanukad didto sa Adelaide, South Australia ug gipangulohan sa club owner nga si Grand Master Vince Palumbo kinsa mihakot ug tulo ka gold medals atol sa 2012 Cacoy Doce Pares World Stickfighting Championships nga gitawag og "The Grand Gathering" nga gipahigayon niadtong Hunyo 6-10 didto sa City Sports Club Cebu sa Cebu Business Park sa Ayala.
Si GM Palumbo nahimo nang kampiyon kapin sa 20 ka higayon atol sa World eksrima nga iyang gisalmotan sa nagkalain-laing lugar sa kalibotan.
Ang mga sakop sa ICMA nga midaug og gold medals, silver medals ug bronze medals mao ang mosunod; GM Palumbo-Coach/Fighter) sa iyang 3 ka gold ug usa ka silver, John Moore 2 ka gold, Micahel Harris 2 ka gold, Arthur Moussis usa ka gold ug usa ka bronze, Tomiko Bas Combe usa ka gold, Derren Hardwick, Michael Stepan ug Nigel Beard pulos midaug og usa ka silver, Chris Milde, Vlasko Mihalovic, Craig Ames ug Bacombe nga adunay tagsa ka bronze.
Ang bugtong babaye nga eskrimador gikan sa ICMA nga si Cata Nadile midaug sab og usa ka silver ug duha ka bronze samtang ang mga eskrimadors nga wala modaug ug medalya mao silang John Dimasi, John Ibanez, Goran Tomasevic ug Anthony Italiano.
Si GM Palumbo kinsa adunay siyam ka sangka sa maong torneyo, nakakuha'g mga medalya sa mga mosunod nga weight categories; Gold Medal ubos Men’s over 40’s Openweight ‘Kulata’ minimal armour division, Gold Medal- Men’s over 40’s Middleweight double stick in armour division Gold Medal- Filipino ‘Open’ Forms Division ug Silver Medal- Men’s over 40’s Middleweight single stick in armour division.
Gawas pa niana, si GM Palumbo nominado sab ngadto sa Cacoy Doce Pares Eskrima World Federation's Hall of Fame pinaagi sa iyang pasidungog nga ‘Lifetime Achievement’ award.
Usa si Palumbo sa labing orihinal nga disipulo ni Ciriaco ‘Cacoy’ Canete, ang 92 anyos nga Supreme Grand Master.
Sa kasamtangan, nangandam na ang ICMA alang sa 2012 Australian Stickfighting Championships didto sa Delaide, South Australia karong umaabot Septiyembre. - BANAT NEWS