CEBU, Philippines - Gilampurnas sa JB Sportswear ug sa team Lauro ang tagsa-tagsa nilang kaatbang alang sa ilang ikatulong daog sa 1st BJBA Rollway Cup basketball tournament didto sa barangay Buaya basketball court sa Lapu-Lapu City.
Ang JB Sportswear midaog batok sa Rene & Crispin sa iskor nga 52-45, samtang ang Lauro mipukan sa JJ&C, 44-41.
Sa kasamtangan, ang JB Sportswear ug Lauro temporaryong nagsawo sa liderato uban sa J&K School Supplies sa managsama nilang 3-1 win-loss records.
Mikupay og 14 puntos si Tejada aron pangulohan ang JB Sportswear, gisundan ni Jeffrey Palad sa iyang 10 puntos, samtang ang anak ni Billy Nadado nga si Ni±o Nadado miamot og sayes puntos.
Silang Jamelito Casio ug Jun Ca±ete miiskor og 13 ug 11 puntos matag usa alang sa Rene & Crispin.
Sa laing bahin, si Pejana mao lang ang bugtong player sa Lauro ang nakakuhaÆg double figures pinaagi sa iyang 10 puntos.
Ang pilderong JJ&C gipangulohan ni Jamjam Soro±o, kinsa miugkat og 15 puntos.
Gipasiugdahan sa Buaya Barangay Council ubos sa liderato ni Brgy. Capt. Lauro Soro±o ug sa Rollway Customs Brokerage ni Rolly dela Pieza, ang liga gipaluyohan sab nilang Renato Casinillo, Crispin Casio, Rene Igot, Irene Amodia ug sa JB Sportswear.
Puntos Matag Usa
Unang duwa:
LAURO (44) - Pejana 10, Dignos 8, Inot 7, Companero 7, Borbajo 6, Gepiga 6, Igot 2, Inot 2
JJ&C (41) - J. Soro±o 15, Hondrada 10, Augusto 5, Tampus 2, Soro±o 2
Ikaduhang duwa:
JB SPORTSWEAR (52) - Tejada 14, Palad 10, M. Ocon 9, Nadado 6, Ocon 4, Jayme 3, Rod 2, Cuizon 1
RENE & CRISPIN (45) - Casio 13, Ca±ete 11, Cuizon 8, Sungahid 4, Sungahid 4, Amores 3, S. Igot 2. BANAT NEWS