CEBU, Philippines - Dose ka Sugbuanong basketball referees ang gitahasan nga maoy mo-officiate sa Private Schools Athletic Association (PRISAA) basketball tournament sugod ugmang adlawa nga ipahigayon sa tulo ka managlahing binyu dinhi sa Sugbu.
Unom kanila gidestino sa men's basketball ug ang laing unom alang sa women's division.
Gipili kini sila nilang Danny Duran ug international referee Jorge Magsino.
Ang unom ka senior referees nga maoy mo-officiate sa men’s basketball mao sila si Edwin Dejacto, Ed Aguello, Al Rile, Elmer Asignar, Melvin Caumeran ug Ado Balongoy. Samtang mo-officiate sa women’s division mao ang junior referees nga sila si Carlos Pajo, Edison Sabellano, Jay Calma, Rodrigo Babanto, Jojo Arrofo ug Dondon Ferrolino.
Lain pang walo ka referees gikan sa nagkalain-laing rehiyon ang mo-officiate sa basketball events.
Ang mga duwa sa buntag adto himuon sa Cebu Coliseum, samtang inig ka hapon adto kini duwaon sa USC-North Campus gym (formerly Boys High) sa dan Gen. Maxilom Avenue. Ang women's competition adto pagahimuon sa CEC gym sa dalan Dimasalang, ning siyudad. (BANATNEWS)