CEBU, Philippines - Miantog og 32 puntos si Randy Gavas alang sa kadaugan sa CJ Optical batok sa Sejisworld, 70-65 sa Category-C sa Talisay Basketball Association (TBA) 2012 First Conference basketball tournament didto sa Talisay Sports Complex sa Talisay City.
Ang CJ Optical naghupot na karon og 3-1 nga baraha aron magsolo sa liderato.
Gawas sa iyang puntos, si Gavas milangkat sab og pito ka rebounds ug adunay lima ka assists.
Ang 14 ka sunod-sunod nga puntos ni Gavas sa fourth period maoy nahimong yawi sa kadaugan sa CJ Optical.
Sa laing duwa, ang Arbedoms midaog batok Park N’ Go ni Romy 'El Presidente' Rama, 72-64.
Silang Val Cabrera ug Allen Gonzaga miposa og 13 puntos matag usa aron pangulohan ang Arbedoms, samtang si Danny Lisondra maoy nangu sa Park N’ Go sa iyang 15 puntos. Silang Flor Yosores ug Benjie Camacho nagkumboya og 24 puntos.
Sa lain pang duwa, gilupig sa Powerade ang San Miguel, 95-94 pinaagi sa crucial free throws ni Jun Capala, kinsa giilang bayani sa maong duwa apan si Bobot Labuca maoy nangu sa kadaugan pinaagi sa iyang 24 puntos.
Si Dado Iglamo maoy nangu sa pilderong San Miguel sa iyang 27 puntos.
Midaog sab ang Bulls nga gipangulohan ni Frank Seville dihang ilang gisungag ang Miami, 79-61 alang sa ilang 3-0 nga baraha ubos sa Legends category.
PUNTOS MATAG USA
CJ OPTICAL (70) - Gavas 32, Calub 10, Laroa 4, Mabago 4, Esmero 4, Quiñones 4, Crisologo 4, R. Capala 2, Toong 2, Reyes 2, Enjambre 2
SEJISWORLD (65) - Cañada 16, Hervas 14, Neñel 13, Daan 10, Sejismundo 4, Abay 3, Cabañes 3, Bas 2
ARBEDOMS (72) - Gonzaga 13, Cabrera 13, Valiente 9, Raga 8, Macaraya 8, Esmero 6, Ylaya 4, Villoria 3, Bayutas 2, Gonzaga 2, Dela Torre 2, Lopez 2
PARK N’ GO (64) - Lisondra 15, F. Yosores 12, Camacho 12, Mosqueda 4, R. Rama 4, S. Yosores 4, Alob 4, G. Rama 4, Racaza 2, Nacario 2, Bacalso 2 (BANAT SPORTS)