CEBU, Philippines - Mosikad na karon ang labing unang all-women Ultramarathon race nga salmotan sa 180 ka long-distance runners gikan sa Davao, Cebu ug Manila.
Ang lumba nga gipaluyohan sa Smart Communications Inc. (Smart), sugdan sa alas-10 sa gabii diha sa Active Zone sa Ayala Center-Cebu. Ang mga runners gihatagan lang og 10 ka oras paghuman sa lumba didto sa Carancho Beach Resort sa Lapu-Lapu City.
Mga runners gikan sa Japan ug Singapore ang mituyo pag-anhi sa Sugbu aron mosalmot sa lumba. Nangabot sab ang mga runners gikan sa Dumaguete, Bohol ug Bicol.
Usa ka limited edition sa Smart Rocket Chic, ang unang 4G Internet dongle nga gidesinyo alang sa babaye ang ihatag ngadto sa mga mananaog.
Ang tanang finishers makadawat og specially-crafted medal, finisher's shirt ug loot bag.
Sa pagka karon, ang 16-anyos nga si Niña Ignacio mao pa ang labing bata nga nagparehistro, samtang ang 57-anyos nga si Sheila Colmenaros ang oldest sa runner. (BANAT SPORTS)